Властите соопштиле дека подморницата ќе остане без кислород до сабота наутро.
Подморницата по која денеска бродовите на индонезиската морнарица продолжиле да трагаат, најверојатно потонала премногу длабоко за да биде извлечена, поради што се мали шансите за опстанок на 53-те членови на екипажот.
Власите соопштиле дека подморницата ќе остане без кислород до сабота наутро, јавила агенцијата “AP”.
Подморницата учествувала во вежба кога исчезнала вчера, потсетува “AP”.
Службениците пријавиле нафтена дамка во близина местото каде последен пат нурнала, на околу 96 километри северно од островот Бали.
Морнарицата верува дека подморницата исчезнала на длабочина меѓу 600 и 700 метри.
Во меѓувреме, претседателот на Индонезија Џоко Видодо рекол дека наредил оптимална потрага и спасувачки напори пловилото да се пронајде.
Тој додал дека екипажот е главен приоритет на потрагата и изразил поддршка и сочувство за семејствата и нивните членови.
