Млечните производи имаат многу големи предности, но исто така и лоши страни. Тие се богат извор на калциум и протеини, но содржат и многу масти.
Кога станува збор за односот на млечните производи со смртноста од рак, научниците не можат да стигнат до единствено мислење.
Ново истражување сепак, објавено на страниците на водечко медицинско издание, го обвинува најпопуларното англиско сирење “Чедар” и другите “меки” сирења и кашкавали за зголемување на морбидитетот од рак на дојка.
Од друга страна, употребата на големи количества јогурт може да заштити од смртоносни болести.
Истражувањето било организирано од соработници од одделот за превенција и контрола на ракот при Институтот за ракот “Росвел Парк”. Раководител на проектот е д-р Сузан Мекан.
Ракот на дојка е најраспространетото онколошко заболувања кај жените. Годишно во светот се разболуваат илјадници жени, а не мал процент од нив умираат. Сега веќе е познато дека исхраната има важна улога во развојот на овој вид рак.
Неодамна весникот “Медикал Њуз Тодеј” соопшти дека неправилната исхрана во адолесценција се одразува на појавата од рак на дојка по децении, во климактеричниот период. Иако некои млечни производи одамна си заслужија лоша слава, во целина науката не може да направи конечни заклучоци за односот помеѓу нив и хроничните болести, вклучувајќи го и ракот.
Некои научници зборуваат за огромната штета од сирењата и другите млечни производи, други го тврдат токму спротивното. Овие противречности се целосно објасниви, бидејќи млечните производи се комплексна мешавина од нутриенти, а често и слабо оценуваните синтетички адитиви “идентични на природните”.
