Некогаш многу популрната новинарка и водителка на ТВ Сител, Ивона Талевска, синоќа по долго време имаше јавен настап.
Таа се појави како гостин во емисијата „Заспиј ако можеш„ на Алфа ТВ и проговори на многу интересни теми, пред сè околу новинарството во Македонија, бидејќи Талевска е претседател на една од новинарските организации кај нас, МАН.
Инаку Ивона Талевска во изминатите години се соочи со постапки во обвинителството, кои таа во синоќешната емисија ги нарече дека ги доживеала како искушенија, кои мирно, но со многу физички и психички напор ги поминала.
Таа доби услов од две години, кои нема да ги одлежи ако 4 години не стори ново дело. Беше обвинета во предметот „Тифани“.
Случајот „Тифани“ се однесуваше на дело што траело од 2008 до 2014 година, при што Талевска како управителка на друштвото за консалтинг „Смарт ДООЕЛ“ и на „Смарт груп ДООЕЛ Скопје“ за даночните 2008 – 2014 година одбегнала да плати даноци, а во завршните сметки давала ла жни податоци, при што одбегнала да плати 2.314.463 денари или 37.634 евра преку фирмите и 1.040.840 денари или 16.924 евра персонален данок.
Новинарот – водител на емисијата „Заспи ако можеш“, ја праша Талевска околу најголемата фама која се крена при траењето на тој случај, дека Талевска купувала долна облека која чинела 500 евра, дали е тоа точно?
-Нема никаква вистина во тоа. Поентата на овој предмет беше да ми го срушат името. За да те дискредитираат, мораат да ти го срушат името и за таа цел најчесто се користат такви приказни, знаете, сме гледале такви филмови.
Не е во ред тоа што го правеа со медиумите, не можам да сфатам зошто се насочија кон медиумите, кон нас. Ние тогаш одлучивме да се повлечеме од ТВ екраните дури траеа постапките против мене, Латас и.т.н.
Ивона Талевска на крајот изрази надеж дека ќе се средат односите во сферата на новинарството, бидејќи претходно напомена дека речиси и да нема никаква комуникација со другото здружение ЗНМ, кое според Талевска одбива секаков вид соработка со МАН.
