Американски борбен авион случајно испуштил бомба без експлозивно полнење, односно бетонска бомба во тек на тренажен лет.
Денес инцидентот го потврдија јапонските власти, известувајќи дека сето тоа се случило во јапонската префектура Аомори на северозападот н земјата.
„Побаравме од САД да се потрудат да избегнуваат вакви слични инциденти“, изјави генералниот секретар на јапонскиот владин кабинет, Јошихида Суга на конференцијата за медиумите.
1/2 While conducting training, an F-16 at Misawa released a device 5 kilometers from the Draughon range late Wednesday. The cause of the incident is still under investigation, and USFJ notified GOJ this morning in accordance with all agreements.
— U.S. Forces Japan (@USForcesJapan) November 7, 2019
Како што пренесуваат јапонските медиуми, американскиот борбен авион од типот „Ф-16“ фрлил бетонска бомба надвор од зоната за тренажни летови, а за среќа немало жртви и повредени во инцидентот.
Ваквите „мали“ инциденти поврзани со американската армија и американското воено воздухопловство се во пораст во Јапонија во последните неколку години, а тоа предизвика сериозна загриженост кај граѓаните. Овие инциденти исто така често се поврзани и со јапонските вооружени сили.
