По изјавата на бугарскиот министер за одбрана Красимир Каракачанов дека ќе испрати полк во Македонија да ги отстранат сите споменици кои не одговараат на историската вистина, преку фејсбук му одговори лидерот на Гром, Стевчо Јакимовски.
Кога ти е толку мерак да рушиш таму кај што твоите предци „какале“ дојди на чело на полкот, му порача Јакимовски на Каракачанов.
Според Јакимовски Каракачанов ќе помине како неговите Бугари во Втората Светска Војна.
Ќе дојдеш ама пази да не поминеш како командантот на главнината на 52-та бугарска дивизија после битката кај Чупино брдо, му напиша Јакимовски на Каракачанов.
Инаку, од историјата е познато дека во битката кај Чупино Брдо, македонските партизани предводени од генералот Михајло Апостолски, иако имаат само 2900 борци, ја прегазуваат како плиток поток 52-та бугарска дивизија која има 12.000 војници.
Моите соселани го виделе како во галоп јури преку Живкова рупа. Не галопирал од бес туку од зорт. Зошто Михајло Апостолски ги направил салата и нему како командат не му преостанало ништо друго освен да бега и тоа на белиот коњ, по што самите Бугари потоа го стрелале на Страцин, му пишува Јакимовски на бугарскиот министер за одбрана.
И тогаш Каракачанче сте мислеле дека сте многу силни оти сте биле побројни и по вооружени ама Генерал Апостолски ве дигна на клоци, му порача Јакимовски на Каракачанов.
Затоа пак ќе ви кажеме не се мангупирајте многу зошто Македонката како што знаеше да го роди најголемиот војсководец во историјата на човештвото Александар Македонски, да ги роди Сандански и Делчев така ќе роди и нов Апостолски, пишува тој на својот фејсбук профил.
Јакимовски вели: Ах што не сум министер за одбрана. Ни премиер ни претседател фермам.
