Легендарниот југословенски пливач и ватерполист, Џорџе Перишиќ, го поминува времето во карантин во текот на пандемијата коронавирус, со оглед на тоа што е постар од 65 години.
Перишиќ, кој што е член на ватерполо генерацијата која во 1968-та година освои златен медал на Олимписките игри во Мекско Сити, од свој агол ја оценил ситуацијата со пандемијата коронавирус.
Животот во светот во последниов месец застана, а Перишиќ дава објаснување зошто е тоа така.
„Целото ова лудило го доживуваме како биолошка војна на големите сили, со преголема колатерална штета по нас ‘малите’. Многу вистини низ историјата на човештвото останаа неоткриени или некажани, веројатно така и ќе биде со оваа пандемија, но се знае за постоењето на одредени централни моќи и луѓе, кои што се склони кон разни недозволени работи поради остварување на свои интереси.
Дури и да се ‘заиграле’ овојпат, нив сигурно не ги боли глава, затоа што од почетокот имале некаква цел и однапред знаеле за страшните последици, но затоа ‘трпи’ целиот човечки род. И допрва ќе страда…
Мислам дека ќе поминат многу години додека сè не се врати како претходно, нормален живот. Ништо повеќе нема да биде исто после ова, специјална пресметка, со жртви чиј број расте од ден на ден. Едно е кога ве гаѓаат со бомби од воздух, затоа што таквите напади се видливи и ограничени на помала или поголема територија, а друго е кога цела планета има работа со ‘непознат непријател’“ – истакнал Перишиќ.
