Јуве се распрашува за Михајловиќ да биде нов тренер: Јас сум роден подготвен за секоја задача

763

Фудбалерите на Болоња обезбедија опстанок во Серија А, во претпоследното коло каде одиграа 3:3 против Лацио. Еден од хероите на оваа екипа беше и тренерот Синиша Михајловиќ

Тој Болоња ја презема во јануари, клубот беше во тешка ситуација бидејки претходно со Пипо Инѕаги клубот бележеше крајно поразителни резултати.

Никој не веруваше во опстанок, или можеби имаше одреден број на луѓе кои веруваа во тоа. Видов дека тимот има квалитет и вистински способности. Што повеќе одеше времето напред, се повеќе бев сигурен дека ќе опстанеме. Ако победиме последното коло во сабота, можеме дури и да завршиме на 10. позиција на табелата, а тоа би било вистинско ремек-дело“.

Новинарите ги интересираше дали е вистина приказната со Јувентус, кој бара нов тренер.

Точно е, Јувентус ме контактира, но пред 5 години, не сега. Од тогаш наваму сум доста променет, тоа е во склад со нашата тренерска работа ипрофесија. Секогаш ги следам новите трендови, јас сум роден подготвен за секоја задача“, констатира Михајловиќ.