Фудбалерот на руска УФА, Бојан Јокиќ, чиј настап на дуелот в четврток во Скопје е крајно неизвесен поради повреда, на денешната средба со новинарите во Љубљана, истакнал дека составот со кој раполага нашата репрезентација во овој квалификациски циклус, е еден од најдобрите на Македонија во последната деценија.
„Македонија има многу добар тим, можеби најдобар во последните десет години. Според резултатите изгледа дека и не се толку успешени, но мислам дека немаа среќа иако играа многу добро. Значи, ние мора да бидеме вистинските, ако сакаме ова да излезе добро. Најважно е да се одигра добро во Скопје. Тогаш Словенија ќе може да оди нагоре. Навивачите исто така ни даваат дополнителна енергија и на тој начин можат да ни помогнат да успееме заедно. Докажавме дека можеме да играме на високо ниво, но сега мора да бидеме уште подобри“, истакнал капитенот на Словенија, кој во Скопје (ако настапи) ќе го има својот јубилеј – 100. меч во дресот на репрезентацијата.
