Резултатите од гласањето вчера во Бугарија водат кон нови парламентарни избори. Тоа е најверојатно сценарио поради шареноликоста во парламентот. Според податоците од 100 проценти паралелно пребројување на „Алфа Рисрч“, идниот парламент ќе биде од најмалку шест партии. Ова ако влезе ВМРО на Красимир Каракачанов кој е на работ на изборниот праг. Изненадување е втората позиција на „Постои таква нација“, која го престигна БСП. Податоците од гласањето на дијаспората се очекуваат во понеделник, што ќе влијае на распределбата на процентите и мандатите.
Според резултатите формулата за формирање коалиција во новиот парламент изгледа многу тешка задача, со оглед на прелиминарните барања кој со кого не би бил партнер.
Потребно е едноставно мнозинство за избор на нова влада, т.е. 50 отсто плус еден од учесниците во гласањето. Со 240 пратеници, потребното мнозинство е 121 глас. Дури и ако ВМРО успее да влезе во новото Национално собрание со сегашниот партнер ГЕРБ, тие имаат 80 гласа и експлицитната и имплицитна поддршка на МРФ (30 места) исто така не е доволна.
Сепак, премиерот Бојко Борисов сака да остане на власт од позицијата на прва политичка сила, најави во монолог пред џипот дека има потребата од нејасен тип на влада на експерти барем до крајот на годината поради пандемија и очекувани фондови на ЕУ, пишува Дневник.
Красимир Каракачанов не се огласил се уште. Тој вчера додека траеше гласањето обвини дека постои концентрирана и координирана манипулација со изборниот процес во Турција во текот на целиот ден. Од утрото, според него луѓе се превезувале со автобуси и се оставале пополнети ливчиња.
„Ова е неприфатливо. Станете и гласајте против мешањето на Турција во политичкиот живот на Бугарија. Бугарија не е под турска власт и никој народ кој ниту се смета себеси за Бугар ниту се грижи за Мајка Бугарија не треба да одлучува за судбината на нашите деца и внуци, напиша тој на фб.
ЕРБ и БСП тврдат дека не е можна коалиција меѓу нив. Слави Трифонов исто така неколкупати ги одби ГЕРБ, БСП и МРФ.
Официјалните резултати мора да бидат објавени во рок од 4 дена – најдоцна до 8 април, а имињата на избраните – најдоцна до 11 април.
После тоа, претседателот Румен Радев треба да ја свика првата седница на новоизбраниот 45-ти парламент, на која обично се избира неговото раководство. Мандатот според Уставот е до еден месец по изборите, но шефот на државата се очекува да не го одложува свикувањето на пратениците, бидејќи повеќе пати изјави дека сака земјата брзо да има функционално Национално собрание.
