Рускиот шахист Сергеј Карјакин, кој лани го предизвика Магнус Карлсен на дуел за светската титула, ќе биде на трибините од стадионот „Лужники“ во Москва, каде што в недела играат Шпанија и Русија, очекувајќи неговите сонародници да направат изненадување.
Тој е цитиран од страна на „Спорт Експрес“ дека веќе го погодил на пласманот на Русија во втората рунда.
– Требаше да се обложам, но не сум коцкар и не се обложувам. Среќен сум за резултатот, штета што испадна онака како што испадна со Уругвај. За картите против Шпанија ми помогна Крамник. Ме праша дали сакам да одам и да ја гледам средбата со Шпанија, картите ги добил од сопственикот на „Краснодар“ Сергеј Галицки, кој е голем љубител на шахот. Вториот билет беше за Саша Гришчук, но тој не можеше да дојде, па ќе одам со менаџерот Кирил Зангалис. Ќе бидеме на трибината со навивачите и дека нема да добиеме ќотек,- вели Карјакин.
Што се однесува до фаворитската улога, Карјакин повлече паралела меѓу овој натпревар со оној што тој го имаше за светската титула со Карлсен.
– Ова е како мојот меч со Карлсен. Никој не сметаше на мене, но јас го одиграв основниот дел од мечот со нерешен резултат. Затоа се надевам дека нема да изгубиме, дека се ќе биде решено со изведување пенали, а со тоа нашите ќе одат понатаму,- вели Карјакин за „Спорт Експрес“.
Натпреварот Шпанија – Русија се игра в недела со почеток во 16 часот во Москва.
