За три дена во Кавадарци згаснаа два млади животи поради компликации со коронавирус.
Браќата Марјан и Горан Ѓерѓеви ја загубиле битката со Ковид-19. Марјан починал на 26, а Горан 21-годишна возраст.
Трагедијата е огромна и нема зборови кои можат да го утешат семејството Ѓерѓеви во овие моменти, објави денеска градоначалникот на Кавадарци Митко Јанчев.
„Ова е тажен ден за нашето Кавадарци. За жал, денеска изгубивме уште еден млад човек кој не успеа да се избори со оваа страшна пандемија. Пред два дена го изгубивме Марјан Ѓерѓев на 26-годишна возраст, денес почина и неговиот брат Горан Ѓерѓев на 21-годишна возраст. Трагедијата е огромна и нема зборови што можат да дадат утеха на семејството Ѓерѓеви во овие моменти. Заедно со Советот на Општина Кавадарци изразуваме длабоко сочувство до таткото на починатите братчиња и нивниот брат и поширокото семејство“, истакна на својот Фејсбук профил градоначалникот на Кавадарци, Митко Јанчев.
