Јужнокорејскиот претседател Мун рекол дека двете Кореи се договориле да воспостават заеднички воен комитет кој ќе процени како да се намалат тензиите, да се одржи комуникацијата и да се спречат случајни судири.
Лидерите на Јужна и Северна Корјеа, Мун Џае Ин и Ким Јонг Ун во вториот ден од разговорите во Пјонгјанг постигнале низа договори, вклучувајќи и ветување на Ким дека трајно ќе го затвори главниот нуклеарен комплекс на Северот, ако САД преземе правилни мерки, како и дека ќе ги прифати меѓународните инспектори кои ќе го надгледуваат затворањето на клучните локации за ракетни тестирања.
Тие исто така договориле соработка за заеднички да ги организираат Летните Олимписки игри во 2032. година.
“Се согласивме да го направиме Корејскиот полуостров територија на мир без нуклеарно оружје и без нуклеарни закани”, рекол Ким.
Тој рекол дека патот кон иднината на полуостровот нема секогаш да биде едноставен и дека ќе има предизвици и искушенија.
“Но, не се плашиме, бидејќи нашата сила ќе расте како ги надминуваме искушенијата на основа на силата на нашите нации”, рекол тој.
Јужнокорејскиот претседател Мун рекол дека двете Кореи се договориле да воспостават заеднички воен комитет кој ќе процени како да се намалат тензиите, да се одржи комуникацијата и да се спречат случајни судири.
Мун рекол дека плановите за комитетот се дел од настојувањето да се отстрани секоја закана која би можела да предизвика војна на Корејскиот полуостров.
