Православните верници на 2 мај го слават големиот христијански празник Велигден. Оваа година празникот се паѓа во недела, а додека ден претходно, односно во сабота е 1 мај, Ден на трудот. Претходно е Велики петок исто така неработен ден за граѓаните од православна вероисповед, што значи ќе имаме 4 дневен продолжен викенд, со оглед на тоа што бидејќи Велигден е во недела, неработен ден е и понеделник, вториот ден од Велигден. Оттука се наметнува прашањето дали и оваа година како и ланската ќе имаме дополнителни рестриктивни мерки, како карантин или пак поинакви.?
Оваа тема беше начната во вчерашното издание на „Само интервју“ на Канал 5 каде што гостин беше министерот за здравство Венко Филипче.
Тој кажа дека ќе закаже средба со верските лидери на МПЦ и на ИВЗ и ќе ги замоли да упатат апел до верниците да останат дома оваа година за време на празниците, и да нема групирања во цкви и џамии, исто така да нема и служби. Во однос на затворањето на угостителските објекти, мерка која веќе е на сила Кризниот штаб смета дека оваа одлука е сосема исправна во пресрет на празниците, но сеуште не се открива што ќе се случува за големиот христијански празник Велигден.
-Мислам дека е добра ваква мерка во пресрет на празниците. И тоа беше главниот концепт околу кој дискутиравме – дали треба да имаме радикална мерка и сериозно да го намалиме притисокот пред некои настани кои се сериозен ризик, а по две недели можеби за угостителските објекти некои други препораки. Сепак, искуството покажа дека тоа се места каде и покрај тоа што има препорачани мерки, дистанца, сепак има групирање и непочитување на тие превентивни мерки. И затоа е таа препорака. Сакаме на некој начин, да го намалиме притисокот кон здравствениот систем, рече вчера министерот за здравство Венко Филипче.
За евентуални промени во однос на мерката, напомена, ќе се анализираат бројките и податоците за сите градови поединечно како што се прави секоја недела.
-Многу е битно сега и верските лидери да сфатат дека ситуацијата е навистина сериозна, дека епидемиолошката слика може дополнително да ја искомплицира состојбата во болниците, нешто што сакаме да го избегнеме. Би сакал да ги повикам следната недела двајцата лидери, и на МПЦ и на ИВЗ и да ги замолам да упатат апел кон верниците – да останат дома оваа година, да не се групираат во цркви и џамии, да нема служби. Многу е важно сега сите да се вклучиме, не само ние што ги менаџираме здравствените капацитети и политичките чинители, туку и верските. Ова ќе биде сериозен ризик и зависно од тоа како ќе се одвива ситуацијата со бројките, од проценката на ризикот што може да се случи, ќе донесеме одлука во следните две недели за тоа како ќе ги димензионираме мерките – изјави Филипче.
