Општина Чаир го распиша пред една недела и вториот тендер, во кој се бараше да се пријават фирми кои би аплицирале да ја добијат работата за уривање на бесправно изградени објекти, вклучително и дивоградбата пред трговскиот центар Мавровка, но и тој пропадна.
Според најавите, денес општина Чаир треба да одржи состанок со цел да се види како да се реши оваа ситуација понатаму. Секторот за јавни набавки при Општината ќе се обиде да најде законско решение согласно Законот за јавни набавки, да се избере фирма за уривање и да се реши проблемот.
До сега органите не успееа да откријата кој ја гради дивоградбата пред „Мавровка“. Поради тоа, Општина Чаир решението за уривање до непознат сторител го објави во Службен весник.
Од досегашната истрага, познато е дека Министерството за внатрешни работи пред една недела доставиле докази до Обвинителството, бидејќи имале основни сомневања кој гради на диво во центарот на Скопје. Од Основното обвинителство уште не е покрената постапка.
