Покрај американскиот претседател Доналд Трамп, големо внимание на самитот Г20 во Осака привлече и неговата ќерка која има титула на советничка во Белата куќа.
Неколку снимки кои се појавија на интернет покажуваат колку Иванка се обидувала да се вклучи во групата поединечни лидери и макар накратко да поразговара со нив. Како што се чини, дел од нив не биле воодушевени од оваа идеја и не сакале таа да биде дел од разговорот, а американските медиуми пренесуваат дека “Иванка им додевала на лидерите на самитот”.
На снимката се гледа францускиот претседател Емануел Макрон, британската премиерка Тереза Меј, канадскиот премиер Џастин Трудо и Кристин Лагард, генералната директорка на “MMF”.
Се разговарало за социјална правда, а подоцна во разговорот се вклучила и Тереза Меј:
“Штом во разговорот ќе го вклучите и економскиот аспект, многу луѓе почнуваат да слушаат, а во спротивно не би го правеле тоа”, рекла таа.
Во тој момент се вмешала Иванка, велејќи дека во поединечни области “доминираат мажи”, а поради тоа сите го забележале изразот на лицето на Лагард. Многумина забележале дека таа превртела со очите, а некои истакнуваат дека Кристин се однесувала многу непристојно и ја окарактеризирале како “сноб на светската класа”.
Сепак, иако можеби Иванка “ѝ одела на нерви”, Лагард подоцна се искупила со објавата на Твитер во која позира со ќерката на Трамп и холандската кралица Максимa.
The #G20OsakaSummit had a special event on Women’s Empowerment and I was pleased to participate with Queen Maxima, @IvankaTrump and many others. https://t.co/PdWrb90TCe pic.twitter.com/hmVps0fz7A
— Christine Lagarde (@Lagarde) June 30, 2019
