Марк Клатенбург беше еден од најдобрите светски судии кои во кариерата може да се пофали дека судел финалиња на Европско првенство, Лига на шампиони и ФА Куп.
Клатенбург додека судеше се соочуваше со разни предизвици и имаше огромни успеси. Искусниот судија сега за „Дејли Мејл“ откри детали од својата кариера и ги посочи петте фудбалери кои најмногу го иритирале на терент.
Крег Белами – Знаев дека мојот однос со него е нестабилен кога ми ги стегна тестисите во тунелот на „Итихад“. Мислам дека тоа беше шега, и така го сфатив, но за таквиот потег на Белами има претходна историја.
– Зошто? Во декември 2009 година кога Манчестер Сити го победи Болтон му дадов црвен картон. Му дадов жолт картон за еден старт, а потоа уште еден за симулирање, иако повторените снимки покажаа дека тоа било пенал. Погрешив, а како што може да замислите, тој збесна.
Рој Кин – Мора да започнам со тоа што ќе кажам дека работев со Рој за време на Светското првенство во 2018 и тој се однесуваше џентлменски и беше фин. Тоа е чист доказ дека играчите може да бидат многу поразлични на теренот и надвор од него.
– Тој беше тежок за контролирање кога играше. Се сеќавам на инцидентот со Енди Дурсо кога му викаше во лице, со тоа се обиде да го малтретира судијата. Мислам дека тоа дојде од Сер Алекс, никогаш не го правеа тоа за да влијаат на одлуката која била против Манчестер Јунајтед, туку за да направат притисок за следната спорна одлука.
Јенс Леман – Тој многу иритираше и никогаш не запре со тоа. Еден од најмизерните голмани кои се противат за се со секого. Ако топката е тркалезна, тој се противи, ако е бела, пак се противи..Човече, ти треба одмор.
– Беше одличен голман, но искрено имаше слабости во него и другите тимови го забележуваа тоа. Ќе му „стапнеа на глуждот“ и тој реагираше доста нервозно.
Пепе – Сите ме прашуваат за инцидентот од финалето во Лигата на шампионите кога го направив тој потег со јазикот. Си реков: „Колку си мек ти голем човеку?“.
– Го направи тоа два пати на натпреварот, обидувајќи се да изглуми искучување за играч на Атлетико. Друг судија можеби би потпаднал под притисокот, но јас си ја сработив домашната. Точно го знаев неговиот менталитет, а тоа познавање ми беше потребно за да се носам со него.
– Тој беше еден од ониеиграчи на кои не може да им се верува. Натпреварот можеше да биде многу полесен, а тогаш се појави тој и направи нешто глупаво.
Џон Оби Микел – Го избрав Микел поради инцидентот на натпреварот помеѓу Челси и Манчестер Јунајтед во 2012 година кога ме обвини за расизам, што не беше точно, а ФА пресуди во моја корист.
– Тој никогаш не ми се извини и тоа е разочарувачки затоа што јас можев да си го уништам својот живот. За момент немав љубовкон судењето, но не можев да се откажам затоа што имав семејство на кое требаше да му помогнам.
– Микел ги слушнал обвинувањата од неговиот соиграч Рамирес, кој не зборуваше англиски. Другите играчи на Челси потоа ми се извинија, сите освен Микел, -заврши Клатенбург.
