Многу вљубеници во фитнес и здравата исхрана советуваат дека во целост треба да се исфрлат јаглехидратите од исхраната. Сепак, постои начин како да ги консумирате, а притоа да не се здебелите.
Иако широко е распространет митот дека треба да се јаде полесна вечера со ниска содржина на јаглехидрати, а за појадок и ручек да се консумира потешка храна, нутриционистите сепак не се согласуваат со тоа, пишува “Daily Mail”.
Шана Сако, регистриран диететичар и личен тренер од Хјустон, вели дека најлош период за јадење рафинирани јаглехидрати е токму утрото, односно дека за првиот оброк би требало да избегнувате пецива, палачинки и француски тост.
“Наместо оваа храна, би требало да имате добро балансиран оброк за појадок. На тој начин ќе бидете сити во текот на денот и ќе имате стабилен крвен притисок”, истакнува Шана за “Pop Sugar”.
Вистината е дека е потешко да се изберат здрави намирници за појадок, бидејќи тогаш најмногу сме во движење, па воглавно се определуваме за најлесните опции како што се бели пецива. Меѓутоа, Шана не препорачува елиминирање на јаглехидратите од исхраната.
Нејзин совет е да се определите за балансирани намирници за појадок, ручек и вечера. Вашиот оброк треба да се состои од интегрални житарици и добар комплекс на јаглехидрати како овошје, зеленчук и овесни снегулки кои ќе ве држат сити во текот на денот.
Таа додава дека не постои оптимално време кога би требало да јадете рафинирани јаглехидрати кои содржат дополнителен шеќер, како што се пецивата, затоа што без здрав баланс на протеини, комплекс од јаглехидрати и здрави масти, вашето ниво на шеќер во крвта ќе се зголеми, а подоцна ќе доведе до голем пад.
Но, доколку сакате да се почестите себеси со рафинирани јаглехидрати, Шана вели дека тој оброк е најдобро да го консумирате навечер, поточно пред спиење, со цел да избегнете пад на нивото на шеќер и чувство на глад кое обично доведува до прејадување.
