Кога Хрват ја фали Србија: Ова е најдобриот европски тим во последните 25 години! (ФОТО)

793

Играта која кошаркарите на Србија ја покажаа во трите досегашни средби на Мундобаскетот во Кина ги одушеви сите спортски вљубеници во светот, но донесе и пофални зборови од каде што можеби најмалку се очекуваше – Хрватска.

Големиот историски анимозитет помеѓу овие две поранешно-југословенски држави не беше пречка за хрватскиот репрезентативец Рок Стипчевиќ да искаже куп пофални зборови за играта на четата предводена од Александар Ѓорѓевиќ, не плашејќи се од можните негативни коментари од своите сонародници.

„Оваа Србија е една од најдобрите, ако не и најдобра европска репрезентација во последните 20-25 години. Точка!“, напиша Стипчевиќ.

Имуни на фантастичната игра на „орлите“ не останаа ниту хрватските медиуми, кои со суперлативи ја опишуваат играта на Јокиќ, Богдановиќ, Бјелица и останатите. Србија во втората фаза ќе се сретне со Шпанија и со Порторико, а во групата е и Италија.

ПОВРЗАНИ НАПИСИПОВЕЌЕ ОД АВТОРОТ