Кој би рекол дека има 60 години: Мишел Фајфер за враќањето на филмското платно и одличниот изглед во седмата деценија!

Мишел Фајфер, полека но сигурно се вратила во центарот на вниманието на светските медиуми по малку подолга пауза. Актерката, која има три номинации за Оскар, признала дека враќањето на актерската сцена било непланирано, а исто така непланирана била и долгата пауза што ја направила.

Таа нагласила дека причината за тоа била нејзината желба да не се одвојува премногу од семејството. Таа во едно скорешно интервју изјавила:

„Никогаш не изгубив желба за глума. Се чувствував како дома на секое снимање. Морам да признам дека сум поурамнотежена личност  кога работам.

Но секогаш сум внимавала кога се работи за тоа каде се снима филмот, колку далеку ќе бидам од децата и колку долго ќе трае тоа, дали воопшто се вклопува во распоредот со обврските околу децата“, признала актерката.

Мишел отсекогаш важела за една од најубавите холивудски актерки, но во едно интервју истакнала дека не се грижела многу за својот изглед и убавина се’ до 40-тата година.