Овие бројки варираат од земја до земја, а особено од регион до редион затоа што купувачите од источна Европа се склони своите автомобили да ги возат многу подолго отколку оние од западна Европа.
Најстарите автомобили во Европа ги возат Литванците, а најмладите граѓаните на Луксембург, покажува анализата која била спроведена од произведувачот на автомобили „ACEA“.
Просечната старост на европскиот возен парк е 10.8 години за автомобили, 10.9 години за комбиња, 12.4 години за камиони и 11.4 години за автобуси, пренесува порталот „Carscoops“.
Овие бројки варираат од земја до земја.
Кога станува збор за патничките возила, Луксембург и Австрија имаат најмлади автомобилски флоти во Европа, со просечна старост од 6.4, односно 8.2 години.
На спротивната страна Литванците возат автомобили во просек 16.9 години, Естонците 16.7 и Романците 16.3 години.
Грција и Чешка имаат прилично стари флоти, со просек од 15.7 и 14.8 години.
Што се однесува до западна Европа, просечната старост на патничките возила во Франција и Белгија е 9 години, во Данска 8.8, Германија 9.5 и Шведска 9.9 години.
Од земјите во регионов, автомобилскиот парк во Словенија изнесува 10.1 години во просек, а во Хрватска 12.6 години.
Возачите од јужна Европа, во Италија, Шпанија и Португалија, исто така своите автомобили ги задржуваат подолго од 10 години во просек.
