Мало поскапување има на минималната кошничка во земјава.
Во август минималните потреби на домаќинствата чинеле 33.538 денари.
Тука спаѓаат потребите на едно домаќинство за храна, пијалаци, домување, хигиена, превоз, облека, обувки и друго.
Според податоците на Сојузот на синдикатите на Македонија (ССМ) за вредноста на синдикалната минимална кошница, најголем дел од средствата оделе за исхрана и пијалаци 41,81 отсто или 14.022,45 денари.
Потребите за домување изнесувале 10.780,47 денари или 32,14 отсто, за хигиена биле потребни 2.366,04 денари, за превоз 2.466,69 денари, за облека и обувки 2.118,95 денари.
За култура во август едно домаќинство одвоило 1.066,79 денари или 3,18 отсто, а за одржување на здравјето 716,20 денари или 2,14 отсто.
На четиричлено семејство во јули му биле потребни повеќе од 33.000 денари за основни потреби.
Точната сума е 33.265 денари за задоволување на основните месечни потреби.
Mинимално зголемување има на трошоците за живот.
Дел од намирниците поскапеле, а кај дел има и поевтинување.
Трошоците минатиот месец во однос на претходниот месец скокнале за 0,5 отсто, а цените на мало пораснале за 0,8 отсто.
