Оригиналната копија од дисктетата од култната игра Супер Марио Брос е продадена на аукција за 100.150 долари, што ја прави најскапата игра некогаш, пренесува Verge.
Според податоците на аукциската куќа Heritage Auctions, играта е купена од страна на група колекционери кои ќе го делат сопствеништвото над неа.
“Супер Марио Брос не е само најпрепознатливата игра на сите времиња, туку тоа е играта која ја спаси индустријата на видео игри во 80 години. Во поглед на реткост, популарност и важност за колекционерите, оваа игра има сè. Марио е најпознатиот фиктивен лик на светот, дури и повеќе од Мики Маус. Супер Марио Брос ја лансираше најголемата светска франшиза на игри, а оваа копија е единствениот познат запечатен пример”, рекол Дениз Кан, претседател на Wata Games.
Оваа копија од оригиналниот Супер Марио е направена во 1985 година. Нинтендо ја креираше Супер Марио Брос дискетата од 1985 до 1994 година во разни варијанти. Првите верзии се запечатени со налепници и биле достапни само во Њујорк и Лос Анџелес. Копијата која е продадена за повеќе од 100 илјади долари е всушност една од оние со налепници и сертификат од Wata Games.
“Покрај уметничкото и историско значење оваа игра е врвно зачувана”, вели Кенет Троер, ко-основач на играта.
Не е првпат игра на Нинтендо да достигне толку голема цифра. Во 2014 година копија од ретката игра Nintendo World Championships е продадена за 100.088 долари на eBay.
