Корона-криза и во Тбилиси: Двајца стартери на Грузија отпаднаа за дуелот со Македонија!

542

Македонија денеска остана без Крсте Велкоски и Кире Ристевски поради ковид-19, како и без Енис Барди поради повреда, но и нашиот следен противник Грузија се соочува со големи проблеми, откако денеска им отпаднаа двајца репрезентативци за мечот во Тбилиси.

Двајцата стартери Квича Кварацкелија и Леван Шенгелија нема да им помогнат на останатите сонародници во натпреварот против Македонија за пласман на Европското првенство во 2021 година.

Пред денешниот тренинг, сите репрезентативци на Грузија беа тестирани за ковид-19, по што беше откриен вирусот кај Кварацкелија и Шенгелија, кои сега ќе одат во самоизолација, а најверојатно ќе ги пропуштат и дуелите против Ерменија и Естонија.

ПОВРЗАНИ НАПИСИПОВЕЌЕ ОД АВТОРОТ