Ловецот Мајк Кимел досега уловил стотици змии, но неговиот последен улов е навистина огромен и не се откажа без борба.
Мајк фатил бурмански питон долг над пет метри во Флорида, а тој снимал сè со камера и објавил на Јутјуб.
“Срцето почна да ми чука кога го видов. Сум ловел големи змии досега, но оваа беше огромна”, изјави тој за Си-Ен-Ен.
Тој ја снимил кратката борба со огромната змија во која заработил незгодно каснување, но на крајот ја совладал и ја влечел кон неговиот брод, каде што ја убил.
Тој сè уште чека официјално мерење, но тврди дека змијата (женка) е долга 5,18 метри и тежи помеѓу 60 и 80 килограми. За споредба, најголемиот питон што некогаш бил фатен на Флорида бил долг 5,68 метри.
Бурманскиот питон е најголем вид питон и е меѓу шесте најголеми змии на светот. Таа продолжува да расте во текот на животот, а женките обично се подолги од машките.
Мајк Кимел е познат ловец на питони, а него го следат 27.3 илјади луѓе на „Јутјуб“. Тој открил за Си-Ен-Ен дека има намера да ја продаде кожата на фатениот питон преку својата веб-страница и, исто така, ќе добие компензација од Акциониот тим во Флорида кој им плаќа на луѓето да ги отстранат инвазивните видови.
„Горд сум на овој успех и знам дека ќе заработам многу пари, но најважно е што ваквите големи змии можат да секого да го надвладеат и јас сум среќен што го отстранив предаторот од екосистемот“, заклучи Кимел.
