Крвава секс забава во Лондон: Криминалците упаднале на прославата на познатиот женкар и измамник, брутално убиен вратарот на клубот

796

Вратарот, избоден на новогодишната вечер, умрел штитејќи ги богатите клиенти на забавата на самопрогласениот аристократ, лордот “Брз Еди” Девенпорт.

Самопрогласениот аристократ, познат по луксузните секс-забави, бил виден како помага при плаќањето на вратата на ексклузивната забава, кога насилниците се обиделе да си го пробијат патот до “Парк Лејн”, каде Новата година ја прославиле арапски принцези, тајкуни и други познати личности.

“Тоа беше луда забава”, рекол извор близок до Девенпорт.

Вратарот Тјудор Симионов бил убиен откако бил избоден во гради, а и хостесите исто така биле сериозно повредени, при инцидентот кој се случил во околу 5:30 часот по локално време.

Брзиот Еди пред три години бил пуштен од затвор бидејќи ги убедил судиите дека е тешко болен. Но, сигурно ужива во животот по излегувањето на слобода.

“Еди ја организираше забавата. Тој ги наплаќаше влезниците”, рекол член на персоналот, кој сакал да остане анонимен. “Тој издаваше карти и ги наплаќаше. На пример, некој плаќаше 2.200 евра, некој 800, а некој 110 евра. Цените не беа фиксни. Со Девенпорт работеше и една Кинезинка”, додал тој.

Изворот навел дека имало девојки “облечени во атрактивна облека, со долна облека кој ѕиркала, и дека луѓето влегувале и излегувале”. “Делуваше како секс-забава”, истакнал тој.

Минатата вечер адвокатите на Девенпорт навеле дека нивниот клиент не ја организирал забавата, земал пари, ниту платил за промоција на забавата. Но, соговорникот признал дека не знае дали неговиот клиент бил присутен.

“Чекам Девенпорт да ми потврди дали бил на забавата или не”, рекол тој. Сепак, други извори тврдат дека токму Девенпорт бил организатор на забавата. Многу пријатели на Еди и негови поранешни клиенти биле таму, во друштво на елитни проститутки.

“Тоа беше приватна забава која заврши лошо”, истакнува изворот. Криминалците се обиделе да упаднат на забавата, било откриено подоцна. Тјудор Симионов бил снимен како се тепа со девет лица, пред да биде убиен пред “Парк Лејн” во 5:30 часот по локално време. Симионов ги турнал момчињата и ги удирал, кога бандата се обидела да влезе на луксузната забава. Снимката завршува пред еден од криминалците да извади нож и да го забоде Симионов во гради.

Снимките и фотографиите по убодот покажуваат дека кон криминалците биле фрлани вази од фоајето, од кои една погодила напаѓач во глава. Тјудор се преселил во Британија од Романија во “потрага по подобар живот” пред само два месеци, а неговата девојка открила дека планирале да се венчаат во 2019-та година.

“Во овој момент не можам за него да зборувам во минато време. Беше мој иден сопруг и дојде во Лондон во потрага по подобар живот. Не можам да опишам колку сум тажна”, напишала таа на социјалните мрежи.

ПОВРЗАНИ НАПИСИПОВЕЌЕ ОД АВТОРОТ