Антонио Конте е решен од Тотенхем да направи конкурент за освојување на Премиер лигата.
Италијанскиот стратег утрово објави заинтересираност за фудбалер кој би го посакал секој силен англиски тим. Станува збор за холандскиот репрезентативец Мемфис Депај.
28-годишниот напаѓач лани се пресели на “Ноу Камп” како слободен играч. Сезоната ја започна силно но во вториот дел од првенството значително му се намали минутажата во игра. Веќе е извесно дека Мемфис ќе ја напушти “Барса” а Тотенхем е сериозно заинтересиран за неговите услуги. “Спарси” за него се подготвени да платат 20 милиони евра. Депај веќе настапуваше во англиското првенство во периодот од 2015 до 2017 година, како играч на Манчестер Јунајтед.
Лондонскиот клуб е еден од најактивните на трансфер пазарот во овој летен преоден рок. Во тимот веќе пристигнаа Иван Перишич, Ричарлисон Де Андраде, Бусаба и Клемент Леглент. “Лавот” најверојатно ќе биде следно силно засилување.
Димитар Младеновски
