Сергеј Лавров изјавил дека во текот на телефонскиот разговор со државниот секретар на САД, Мајк Помпео, постигнал договор да продолжат контактите во Венецуела.
Рускиот министер за надворешни работи претходно рекол дека Русија ќе ги мобилизира напорите на државите на ЕУ кои ја почитуваат Повелбата на ОН за борба против американските планови во Венецуела.
“Се договоривме да ги продолжиме контактите, посебно во Венецуела. Не гледам начин на кој позициите може да се комбинираат – нашите позиции се од една страна, и се засноваат на Повелбата на ОН и принципите и нормите на меѓународното право, и позициите на САД, од друга стран, кои од Вашингтон именуваат претседатели во други земји, бараат легитимни власти да капитулираат и се закануваат со употреба на сила со цел промена на режимот”, рекол Лавров, одговарајќи на прашањето на новинарот на агенцијата “TASS”.
“Ставовите се неспоиви, но подготвени сме да разговараме”, нагласил Лавров.
Тој претходно на новинарите им рекол дека Русија ќе ги мобилизира државите на ЕУ кои ја почитуваат Повелбата на ОН за борба против американските планови во Венецуела.
“Нашата позиција за американските планови во Венецуела ќе биде многу едноставна. Ние ќе мобилизираме група држави кои, како нас, ја почитуваат Повелбата на ОН за да се спротивставиме на таквите шеми”, рекол шефот на руската дипломатија.
