Приказната за Ричард “Пи Ви“ Киркленд е една од најинтересните во светот на спортот.
Kиркленд претставува поранешен американски “стритбол” играч и (според многумина) “Крал на дрогата”.
Роден во Менхетен (Њу Јорк) на 6-ти Мај 1945 година, Киркленд играше во средното училиште Чарлс Еванс Хјуз во Менхетен (Њу Jорк) и беше еден од најдобрите кошаркари кој се појавиле во оваа средина.
По феноменалните партии на кошаркарските терени во средношколските сали како и на игралиштата ширум Њу Јорк, Киркленд доби стипендија од универзитетот Киртел-Северна Каролина каде откако им се приклучи постигнуваше по неверојатни 41 поен по меч. Потоа следува преселба во универзитетот Норфолк (Вирџинија) каде продолжува со фантастичните настапи и ги руши сите актуелни рекорди.
Во 1969 година е избран на драфтот од страна на Чикаго Булс и за чудо на сите, одбива да се приклучи на “Биковите”!
Тогаш започнаа првите шпекулации околу неговиот “поделен живот”. Играјќи кошарка популарниот “Пи Ви” паралелно распродава дрога а во тој бизнис е подеднакво успешен како и на кошаркарските терени.
Многумина тврдат дека Кирклeнд заработувал дури 4 пати повеќе од најдобрите професионални NBA играчи во ’70-те и ’80-те. Човекот заработил толку голема сума за многу кратко време што успеал да купи луксузен “Рулс Ројс”, пред да се здобие со возачка дозвола.
Во тоа време, можностите што му беа понудени надвор од NBA беа многу попрофитабилни, во однос на финансиската добивка и јавното признание. Многумина кој го познаваат тврдат дека “Пи Ви” заработувал преку милион долари на месечно ниво. Tака Кирклeнд својата “магија” на теренот ја замени со темните и сомнителни улици на Харлем, каде стана “Крал на подземјето.”
Поради нелегалниот бизнис кој му носи милионски суми и огромна слава во 1980 година завршува зад решетки. Уапсен во Бостон (Масачусец). Во затвор се наоѓа се до 1988 година. Претставува единствениот кошаркар кој на турнир (помеѓу осудениците) постигнал неверојатни 100 и 135 поени во два различни натпревари.
Мотивациски говорник
По неговото ослободување, Кирклeнд патува низ С.А.Д. разговарајќи со младите за донесување правилни одлуки и трасирање на сигурни патишта до успехот, покрај самодовербата и други различни проблеми што ги мачат младите во Америка.
Nike ја препознава неговата цел и организира кампања за животни вештини каде тој го има главниот збор. Освен работата како говорник, преку 10 години Киркленд беше и тренер во средното училиште Двајт (Њу Јорк).
Како едукатор и социјален работник, Кирклeнд ја користи почитта што ја добива од младите поради неговото бурно гангстерско минато за да допре до нив и да ги разбие нивните заблуди.
Подоцна успева да магистрира на тема “човечки услуги” на Универзитетот Линколн.
Медиуми
Во легендарниот кошаркарскиот филм “Above the Rim”, Кирклeнд се појави како регрутер на еминентниот колеџ Џорџтаун, по име Фил Ред.
Кирклeнд е споменуван во многубројни рап песни а се појави во спотот за песната “Grindin“ на рап групата Clipse кој многупати до сега ја изразија својата воодушевуваност према него. Се споменува и во “Lean Back“ на Terror Squad, “Always on Time“ од Ja Rule, “Zoom“ од Future итн.
Тој се појавува и во повеќе документарни филмови а во 2018 година се “глуми” себеси во кошаркарската комедија “Uncle Drew” каде настапија NBA легенди како Шекил O’Нил, Реџи Милер, Кајри Ирвинг, Нејт Робинсон итн.
Приказната за “Пи Ви” е атипична и зачудувачка но, секако вреди да се знае.
Голема благодарност за мојот пријател Симон Капчев (https://www.facebook.com/simonpainltd) кој ја даде идејата за оваа колумна.
NBA FAN
Димитар Младеновски
