Лет кон смртта од 8.000 метри: Видео од падот на кинескиот „Боинг“ – вертикално паѓал кон тлото, па удрил во брдо…

Кинеската управа соопштила дека во авионот имало 123 патници и девет членови на посадата, поправајќи ги претходните извештаи според кои во леталото имало 133 луѓе.

„Боинг 737“ се сруши во близина на градот Вужоу и предизвика пожар на планината, пренесува јавната телевизија „CCTV“. Според локалните медиуми авионот MU5735 од компанијата „China Easter Airlines“ полетал по 13 часот по локално време од југозападниот град Кунминг.

ПОВРЗАНИ ВЕСТИ: Први снимки од урнатиот патнички „Боинг 737“ во Кина – од местото на падот излегува густ чад

Леталото изгубило контрола во близина на градот Вужоу во планинската област Гуангкси, навела кинеската управа за цивилна авијација (CAAC).

„Потврдено е дека авионот се урна“, навеле тие во краткото соопштение и додале дека спасувачките екипи се испратени на местото на несреќата.

Несреќата предизвикала пожар на планината, пренесува јавната телевизија „CCTV“ наведувајќи дека спасувачките екипи се таму.

Управата за цивилна авијација навела дека е испратен тим на местото на несреќата, а пожарникарската служба соопштила дека се работи на обезбедувањето на планинскиот пожар предизвикан од несреќата. Сателитските снимки на NASA го покажуваат големиот пожар во областа каде авионот се урнал, пренесува агенцијата „AP“.

Засега нема коментар од страна на авиокомпанијата. Инаку, таа е една од трите водечки кинески авиокомпании која врши десеттина домашни и меѓународни рути на 248 дестинации.

Авионските несреќи се релативно ретки во Кина, во земјата каде е многу развиен авионскиот сообраќај во последните децении и каде безбедносните мерки се многу строги. Последната несреќа се случила во август 2010 година кога настрадале речиси 50 луѓе.

Авионот од оваа компанија пред да удри во брдото, нагло вертикално почнал да паѓа надолу.

Спасувачите стигнале на местото на несреќата, но моментално нема официјална потврда за бројот на мртви и повредени во несреќата.