Во периодот кој следува ќе ви претставиме профили на играчи кој не се познати на пошироката кошаркарска јавност а се неспорно квалитетни и имаат што да понудат.
Еден од најатрактивните играчи (во развојната) NBA G League е Ајзеа Милер.
Висок (само) 183 цм. годинава ги воодушевуваше гледачите со своите атрактивни забивања и летечки способности. Иако неговата градба е типична за плејмејкер, тој има потентна офанзивна игра кој е класична за бек-шутер. По четирите години поминати на унверзитетот Ју-Ен-Си Гринзборо, Милер не беше драфтуван на минатогодишниот драфт што претставуваше изненадување за многумина. Пред почетокот на сезоната беше во составот на Минесота Тимбервулвс но, пред да започне првенството беше отпуштен.
Милер (како и многумина недрафтувани кошаркари) својата шанса ја побара во развојната NBA G-league, место кое е под будно око на скаутите и кошаркарските работници. Настапувајќи за тимот на Ајова Вулвс просечно постигнуваше околу 14 поени 5 скокови и 4 аасистенции по натпревар. Посебно импресивно делува неговата игра во нападот каде е константно во движење, со брзи пробиви и динамични влезови во рекетот. Неговиот огромен одраз и атрактивност во играта го направија еден од најомилените играчи за гледање.
По завршувањето на сезоната, Милер се врати во родниот Њу Џерси каде го чека лето исполенто со напорна работа и подобрување на играта. Уште сега има информации за заинтересираноста на повеќе европски екипа за да го доведат во своите редови. Останува да видиме дали следното првенство ќе добие шанса од NBA тим или ќе се пресели преку “барата”.
До тогаш, уживајте во најубавите потези од Ајзеа Милер оваа сезона.
NBA FAN
Димитар Младеновски
