Еден од најголемите фудбалски стручњаци, Марчело Липи отворено призна и проговори за најголемите грешки во неговата богата и импресивна тренерска кариера.
Липи во својата кариера направи големи резултати и ги освои најзначајните титули како на клупско така и на репрезентативно ниво, но од денешна перспектива тој признава оти згрешил за одредени работи со тоа што сите се поврзани со националниот тим на Италија.
Липи ги предводеше „аѕурите“ до титулата на мундијалот во 2006 година, но од тука направил неколку грешки за кои проговори во интервјуто за „Кориере Дело Спорт“.
-Јас освоив се што сонував, па и повеќе. Меѓутоа еднаш направив голема грешка. Не требаше да ја напуштам репрезентацијата и никогаш не требаше да се вратам. Се вратив само затоа што згрешив што си заминавв по триумфот на СП што значи не направав една, туку две сериозни грешки. Во Јужна Африка беше третата. Кога го правев изборот преовладуваше благодарност, доцна сфатив дека некои играчи имаа дадено се што имаа. Исто така имав многу лоша среќа, бидејќи го изгубив Буфон, Пирло и половина Де Роси, половина затоа што Де Роси беше повреден, -рече Липи кој имаше два сосема различни мандати на клупата на Италијаните од 2004 до 2006 и од 2008 до 2010 година.
