Лоши вести доаѓаат во врска со Енис Барди и неговото учество на следните два меча на Македонија во квалификациите за Светското првенство.
Играчот на Леванте е повреден и нема да биде на располагање на селекторот Благоја Милевски за октомврискиот прозорец од квалификациите.
Повредата на 26-годишникот датира од дуелот со Романија. Тогаш се пожали на болки и потоа доби совети од докторите да прави пауза, која трае веќе еден месец.
Милевски потврди дека не планира да повика друг фудбалер како замена за Енис Барди.
Македонската репрезентација синоќа направи собир во хотел „Хилтон“ во Скопје. Првиот тренинг пред дуелот со Лихтенштајн на гости ќе го има денес во 16:00 часот.
