Најновиот ловец на планети, кој НАСА во април го лансирала во вселената, по име “TESS”, веќе успеал да се пофали со првата планета која ја открил.
НАСА во понеделникот објавила фотографија од јужното небо на која може да се видат стотина илјади ѕвезди, кои дополнително ќе бидат анализирани во потрагата по трагите за наоѓање на планети пред нив.
Станува збор за прва фотографија која ја снимиле сите четири камери од сателитот, која прикажува подрачје кое ќе биде анализирано. Тоа, меѓутоа, било само загревање.
In case you missed it, visit https://t.co/EzlqGOwzpH to download high resolution images of @NASA_TESS's "First Light" pic.twitter.com/jXRhneVqpf
— NASA_TESS (@NASA_TESS) September 18, 2018
Експертите од НАСА потоа објавиле нацрт на работата кој за тема ја има првата планета која ја открил “TESS”. Тие наведуваат дека станува збор за Суперземја која се наоѓа во орбитата на ѕвездата Пи Менсе, оддалечена 60 светлосни години.
НАСА во пост на Твитер го потврдила откритието на потенцијален кандидат за внесување во листата на планети. Инаку, новооткриеното небесно тело околу својата ѕвезда орбитира за 6,3 дена.
The @NASA_TESS team is excited to announce the mission's first candidate planet — a super-Earth around the bright star Pi Mensae, nearly 60 light-years away. The planet orbits every 6.3 days. The discovery is now being reviewed by other scientists to validate it. Stay tuned!
— NASA_TESS (@NASA_TESS) September 19, 2018
Откритието на оваа Суперземја очекува дополнителна анализа и потврда.
Суперземјата, меѓутоа, не е сама. Во нејзина близина се наоѓа уште една џиновска планета, 10-тина пати поголема од Јупитер, на која и се потребни 2.100 дена да орбитира.
Уште еден труд, објавен во средата, споменува уште едно ново откритие во вселената – ѕвездата LHS 3844, оддалечена на 49 милиони светлосни години.
