Европратеникот Ангел Џамбаски, кого опозицијата го вика „Радка Пиратка“, поради напад на протестанти со петарди, инаку фатен „дрво“ пијан зад волан вечерта на 7 декември 2019, вели – Србија врши пропаганда во Македонија!
Овој политичар кој го напушти елегантниот Каракачанов и сега преговарал , наводно со партијата на премиерот Борсов-Герб, или пак ќе настапи самостојно, во декември 2019 год. беше фатен „камен“ пијан како управува со автомобил со преку 1,5 промили алкохол. Интересно е што тогаш МВр на Бугарија не го регистрирала тој настан, но под притисок на јавноста и Бугарското МВР и Џамбаски ја признале неговата „весела состојба“.
И сега овој ист политички мачо-мен на Бугарија, на својот FB профил вели:
„Вучиќ се појави на Свети Трифун во Табановце и ги донесе првите вакцини за Македонците“. Српскиот претседател Александар Вучиќ е претставен како голем ослободител за македонскиот народ. Мислите дека култот кон личноста исчезна во овие географски широчини. Не, не сте во право. Не во Македонија, каде што Вучиќ е опишан како „лидерот од Белград“. А Бугарија, Грција и ЕУ се „лошите момци“ во сликата. Можеме само да сонуваме за овој тип на написи за Бугарија да се појават во Македонија во моментов. Затоа што таму сè уште се пишува за нас како „фашистички окупатор“.
На Џамбаски изгледа не му е јасно дека неговата земја Бугарија беше фашистички окупатор за време на Втората Светска Војна,и како таква ќе биде запаметена додека постои еден жив Македонец, а Грција во овој период воопшто не е „лошо момче“.
Единствени кои на сила сакаат да ни бидат “ браќа или татковци“, и да бидат “сакани“, се самите актуелните Бугарски политичари, но со нивната упорност, неразумна за никого во Европа и светот, само успеваат да го постигнат спротивниот ефект – според последните анкети да станат најнепосакуван народ за македонските граѓани!
За разлика од Бугарите, кои ветија вакцини и сега се прават на „Миле, пардон – на Тошо“,не доставија ниту една единствена вакцина на своите „браќа“ Македонци , кои нивните предци заедно со фашистите на Хитлер, ги убиваа во Првата и Втората Светска Војна, Србија и српскиот народ го исполнија своето ветување и доставија вакцини.
Во Македонија тешко дека ќе има некое „политичко мажиште“ како вас, кој ќе потпише дека имаме бугарски „лисја“ а не пак корени.
Таков се уште не се родил, па макар и по цена на ЕУ аспирациите на Македонија.
Фото: елегантниот Каракачанов и мачо-менот на бугарската политика, Џамбаски
