Кланот Вељко Беливук или Веља Невоља вежбале пукање со снајпер на неколку локации во Србија, утврди полицијата за време на истрагата. Мафијашите ангажирале и снајперист, ветеран од војната во Босна.
Мафијашкиот клан предводен од уапсениот Вељко Беливук најверојатно планирал да убие некого од самиот врв на државата, покажа досегашната истрага.
Како што беше утврдено, кланот на Беливук имаа повеќе борбени обуки за користење на снајперот што беше пронајден во едно од нивните тајни скривалишта. Тие вежбаа со снајпер на повеќе локации во Србија. Тие дури ангажирале снајперист, ветеран од војната во Босна и му платиле 2.000 евра за да ги обучи да ракуваат со ова оружје!
Беливук и неговиот тим, наводно, биле следени неколку месеци пред апсењето, а за време на периодот дури било утврдено дека тие имаат свој центар за регрутирање во просториите на месната заедница во Банатски Брестовац.
Таму, во околината на Брестовац, имаа импровизиран полигон за снајперско пукање. Луѓето на Веља беа доведени таму да вежбаат пукање. Покрај тоа, со снајперот било вежбано и на неколку локации низ Србија, на Космај, на Авала и на планината Рудник. Тие се подготвуваа за некое големо зло, сакаа да бидат сигурни и во оружјето и во стрелците, велат извори од истрагата.
Тие дури ангажираа воен ветеран од војната во Босна и му платија 2.000 евра за обука. Засега немаме докази, но заради сè што откривме, имаме основано сомнение дека планирале да убијат некого од самиот врв на државата. Сигурно е дека не им требал снајперист за да убијат фудбалски навивач, вели истиот извор.
Според нив, Беливук и тимот имале блиски контакти и соработка со лица во полициските и безбедносните структури.
Божидар Спасиќ, поранешен оперативец на Државната безбедност (ДБ), проценува дека апсењето и распадот на овој криминален клан биле извршени во моментот кога биле опфатени сите точки на нивното движење и комуникација.
Додека беа на слобода, тие беа компактна група на која Беливук очигледно и обезбедуваше безбедност со своите врски во полицијата. Сега бандата е разбиена, па сосема е можно тие да започнат да „пеат“ во притвор и да ги раскажуваат деталите за злосторствата. Некои од нив би можеле да добијат статус на сведок соработник, а судовите и обвинителството мора да играат многу паметно, заклучува Спасиќ.
