Македонија и Бугарија го одиграа вториот натпревар во Лига Ц од Лигата на нации. Првиот во Разград заврши без победник, а бугарскиот национален тим славеше во Скопје и ја доби битката за второто место во групната фаза.
Пред дуелот можеа да се слушнат свирежи за време на интонирањето на бугарската химна. Тоа и уште неколку провокативни моменти беше причина за реакцијата на Министерството за надворешни работи на Македонија.
„Министерството за надворешни работи упатува јавна реакција и осуда за вчерашниот израз на говорот на омраза што можеше да забележи во текот на фудбалскиот натпревар меѓу репрезентациите на Македонија и Бугарија.
Спортските настани претставуваат највисокиот израз на принципите на фер однос, меѓусебна почит и натпревар во спортски дух. Злоупотребата на овие настани за ширење на омраза и нетрпеливост претставуваат суштинска спротивност на нивната основна замисла.
Македонија и Бугарија и во иднина ќе продолжат активно да работат на унапредување на меѓусебните односи, како земји сојузнички во НАТО, идни партнери во Европската Унија, и пред сѐ, добри соседи“, стои во реакцијата на МНР.
Кирил Десподов го постигна единствениот погодок на мечот, кој донесе гостинска радост за Бугарите.
