Генералниот секретар на партијата Љупчо Николовски, денеска промовирајќи го новиот кандидат за градоначалник на Куманово, рече дека сегашниот градоначалник Максим Димитриевски сам се исклучил од партијата.
Во општината каде актуелниот градоначалник самиот си отиде против себе, против граѓаните и против СДСМ, со што и самиот се исклучи од партијата, одиме на победа со Оливер Илиевски, соопшти Николовски.
Тој нагласи дека СДСМ има само еден кандидат во Куманово, алудирајќи на забелешките во јавноста дека во најголемата општина во државата СДСМ ќе се натпреварува против СДСМ на овие избори.
Од СДСМ нема засега официјален одговор кој партиски форум ја донел одлуката за исклучување на Димитриевски, односно дали тоа се случило на синоќешната седница на Извршниот одбор. Сепак, високи партиски извори потврдуваат дека исклучувањето е завршена работа.
Согласно статутот на СДСМ, со ваквата одлука на Димитриевски автоматски се исклучува од членството во СДСМ, велат од партиското раководство за „360 степени“.
Димитриевски, кој минатата седмица собра потписи за независен кандидат, соочен со тактизирањата на партискиот врв околу утврдувањето на кандидатурата за најголемата општина во државата. Со овој потег, Димитриевски влезе во отворен конфликт со партискиот врв.
