Заинтересирани за работа во Малта? Имаме одлични вести за вас!
Агенцијата MM Consulting објавува оглас за вработување на кандидати на повеќе работни места со локација во Малта.
Сите заинтересирани кандидати, кои би сакале својот професионален развој да го продолжат во компании со локација во Малта, се молат, својот интерес да го пријават електронски, со праќање на лична биографија (CV) преку полето Аплицирај на овој линк.
Претставниците на MM Consulting ве очекуваат со детали и актуелни понуди за работа.
Број за контакт:
+35677140026
Малта (Viber)
MM Consulting има активен оглас и за 20 авто-механичари за одржување и поправка на возила и автобуси во Малта. Годишната плата изнесува од 18.000 до 20.000 евра во бруто износ. Целиот оглас погледнете го на овој линк.
Се што треба да знаете за работа на Малта
Изминативе пет години Малта е омилената дестинација за работа на голем број Македонци, особено за младите. Малта нуди можност за изнаоѓање работа во најразлични области: угостителство, градежништво, транспорт, медицина, туризам, хотелиерство и многу други.
Најважно пред да пристигнете во Малта е да најдете сместување. Тоа можете да го направите со помош на некој од сајтовите MaltaPark и Times of Malta или на некои од многуте фејсбук групи. Становите се најефтини пред почетокот на пролетта, односно крајот на февруари и почетокот на март.
Дозвола за работа треба да се добие пред да се започне со работа во Малта. Државјаните на земји кои не се членки на ЕУ треба да поднесат барање за издавање на дозвола за работа до надлежните органи, најдоцна три месеци порано.
Сите оние кои сакаат да аплицираат за дозвола за работа треба да достават барање за дозвола за работа, потпишана од кандидатот и работодавачот. Треба да биде доставена кратка биографија, фотографија со димензии како за пасош, дипломи и сертификати, односно било каков доказ за квалификации. Задолжително треба да се достави и копија од пасошот како и писмо каде детално ќе бидат наведени информации во врска со причината за престојот во Малта. На листата задолжителни документи се и документите со кои работодавачот докажува дека вие сте лицето кое се бара за конкретното работно место и која е причината зошто истата не била доделена на жител на Малта или на друга ЕУ земја.
Сите потребни документи треба да бидат на англиски јазик.
Најголемиот број Македонци кои заминуваат во Малта на свој трошок, најчесто наоѓаат работа во угостителските објекти. На ваков начин, тие имаат дозволен престој во времетраење од три месеци.
