Манасков: Подготвени сме, ја знаеме Украина до најмалиот детаљ

832

Ако се навратиме на последните Европски првенства, првите натпревари се секогаш тешки за играње, постои нескриен притисок, па скоро и да нема правило дали е подобро на стартот да играме со послаб или поквалитетен противник.

Еден од нашите адути во Виена е Дејан Манасков. Репрезентативното крило игра во голема форма, веќе е лидер во националниот дрес и тврди дека во Словенија селекцијата добро се подготви за ова Европско првенство.

„Добро се подготвивме деновиве, одигравме два натпревари во Словенија, а и селекторот им даде можност на сите репрезентативци да покажаат што знаат. Мислам дека сме подготвени за Украина, почнавме и со видео анализи и последниот ден ќе го искористиме да ги анализираме противничките ракометари до најмалиот детаљ“, вели ракометарот на Веспрем.

Манасков пред неколку недели го продолжи договорот со Веспрем и ќе остана да го носи дресот на унгарскиот шампион. Ова за него е петто Европско првенство, а дебитираше во Ниш пред осум години на за нас историскиот шампионат на кој завршивме на петтото место.

ПОВРЗАНО:

Столе Стоилов, голобрадото момче од Ниш сега е „лавовско срце“ на Македонија

Талески: Нема паника, нема еуфорија, зрели сме да си ги оствариме соништата!