Познатата бразилска манекенка Жизел Бундшен открила многу детали од својот приватен живот во мемоарите наречени “Lessons: My Path to a Meaningful Life” кои ќе се појават во јавноста за неколку дена.
Жизел во мемоарите проговорела за своите први панични напади кои започнале да се случуваат пред 15 години, а на крај довеле до самоубиствени мисли.
“Навистина размислував за тоа ако скокнам од балкон, дека конечно ќе биде крајот и дека нема да морам да се грижам за мојот свет кој сè повеќе се намалува. Мислев дека сè околу мене може да ме убие. Прво тоа беа авиони, потоа лифтови, тунели, хотели, студио па дури и автомобилот. На крајот имав страв и од мојот стан. Сè стана тесно како кафез, се чувствував како заробено животно и не можев нормално да дишам. Помислив дека сè би било полесно кога едноставно би скокнала”, раскажала манекенката за списанието “People” и додала дека докторите ѝ го спасиле животот.
“Пушев цигари, пиев флаши вино и три кафиња дневно, а се откажав од се во еден ден”, признала Жизел која денес живее во семејна идила со сопругот Том Брејди и двете деца.
