Хаким Зијек набрзо може да стане нов играч на Италијанскиот шампион, Милан.
Според информациите кој ги пренесува “Калчомеркато”, Мароканецот стапил во контакт со Паоло Малдини и потврдил дека со задоволство би се приклучил на тимот за наредната сезона. Откако стана јасно дека за него нема да има место во Челзи, Зијек е решен да го напушти премиер лигашот и да се пресели на “чизмата”.
Некогашниот голем талент на Холандскиот гигант Ајакс е 29 годишен искусен напаѓач кој подеднакво солидно се носи и со улогата на “плејмејкер”. Управата на Милан е решена да го доведе во своите редови, посебно по неговиот јасно изразен оптимизам околу евентуалната преселба на “Сан Сиро”. Популарниот “волшебник” би пристигнал како позајмен играч со можност за откуп на неговиот договор. За неговите услуги Милан би требало да извои близу 7 милиони евра.
Според Италијанските медиум, наредните два дена се клучни околу реализација на овој трансфер.
Димитар Младеновски
