Вчера сите зборуваа за двете номинации за Оскар кои филмот ,,Медена земја” ги доби. Но интересен беше коментарот на гледач кој се јави во контактна емисија:
,,Јас го гледав филмот околу новогодишните празници и морам да ви кажам искрено жалам што светот ќе добие ваква слика за Македонија. Во филмот е претставена Македонија како да е беда и мизерија, а во реалноста не е баш така.”
Македонскиот документарен филм „Медена земја“ на режисерите Тамара Котевска и Љубомир Стефанов доби две номинации за Оскар, за најдобар документарец и за најдобар странски филм. Ова е првиот македонски филм со две номинации за Оскар, со што „Медена земја“ испиша историја.
„Пред дождот“ на Милчо Манчевски е единствениот македонски филм кој добил номинација за Оскар, во 1995 година. Претходно, во 1980 како југословенски кандидат номинација за Оскар имаше добиено краткиот документарец „Дае“ на Столе Попов.
Меѓу петте номинирани за најдобар документарец покрај „Медена земја“ се и „Американска фабрика“, „Пештерата“, „Доба на демократија“ и „За Сама“, а за најдобар странски филм номинирани се и „Корпус кристи“ од Полска, „Клетници“ од Франција, „Болка и слава“ од Шпанија и „Паразит“ од Јужна Кореја.
