Лионел Меси беше прво име во редовите на Аргентина во триумфот над Боливија (3-0). „Гаучосите“ започнаа подобро и со индивидуална акција на својот најдобар фудбалер поведоа. Немаше дилеми околу победникот кога ѕвездата на ПСЖ погоди вторпат по еден час игра, а до крајот успеа и да го комплетира својот хет-трик.
Video of the day. Leo Messi crying tears of joy after finally celebrating Copa America with Argentinian people. 🇦🇷🏆 #Messi
…and yes, it’s even more beautiful than his great hattrick scored tonight, becoming best South American scorer in history.pic.twitter.com/28Hbl7LBEZ
— Fabrizio Romano (@FabrizioRomano) September 10, 2021
Доминацијата на Бразил во квалификациите за Мундијалот продолжи на домашниот дуел со Перу (2-0) во рамки од 10. коло. Перфектната репрезентација на Тите ја запиша осмата победа, неколку дена по прекинот на дербито со Аргентина.
Домашните фудбалери отворија со погодокот на Рибеиро. Работата пред паузата ја заврши Нејмар, кој немаше проблеми да ја смести топката во мрежата од непосредна близина. Продолжението донесе подобра игра на Бразилците, а Перу немаше сериозна шанса да запише гол за утех.
Уругвај се зацврсти на третото место со минималецот над Еквадор (1-0). Херој на домашната репрезентација беше Переиро, кој го „скрши“ противникот во надополнувањето од мечот, кога реализира одличен центаршут со глава.
На останатите натпревари, Парагвај ја совлада Венецуела (2-1), Колумбија беше поуспешна од Чиле (3-1).
