Облакот од пепел се појавил на небото и настапила ноќ која што траела една година. Температурата се спуштила под нула, а речиси 75 отсто од живите суштества на Земјата исчезнале…
Кон средината на 80-тите години на минатиот век американски археолози ги проучувале сателитските снимки на полуостровот Јукатан во Мексико и воочиле речиси совршен прстен.
Карактеристичните езерца исполнети со сина бистра вода се типичен мотив на туристичките брошури со кои што е исполнет дел од полуостровот, но гледајќи ги од вселената создаваат впечаток во облик на полукруг.
Денес познато е дека таа глетка која што изгледа како да ја нацртал голем шестар всушност е трага која што ја оставил астероид со ширина од 12 километри кој што го погодил Јукатан и експлодирал со незамислива сила. Така настанал кратерот „Chicxulub“ кој што името му го должи на истоимениот град.
Со дијаметар од 180 километри се смета за еден од најголемите удари на небесните тела во историјата на планетата Земја.
Една од најсмртоносните катастрофи на планетата се поврзува и со масовното изумирање на диносаурусите, а научниците кои што го потврдуваат тоа објавиле студија пред девет години во магазинот „Science Journal“.
Тие ги отфрлиле другите теории, како масовната вулканска ерупција и другите можни сценарија.
Сметаат дека ударот на астероидот моментално направил кратер длабок 30 километри и поттикнал слична реакција на тлото.
Во наредните години светот се променил до непрепознатливост. Облакот од пепел бил на небото и настапила ноќ која што траела една година. Температурата била под нулата, а речиси 75 отсто од живите суштества од Земјата исчезнале.
Денес тоа е средишната точка на замислената кружница еден километар под малото гратче Chicxulub Puerto. Во местото од неколку илјади жители ниските куќи обоени со жолта боја, бела и портокалова го опкружуваат скромниот градски плоштад.
