Метро во Стокхолм изгледа како уметничка изложба: Глетките го одземаат здивот, а патниците уживаат во патувањето

Кога првпат ќе влезете во системот на подземните железнички во Стокхолм веројатно ќе си помислите дека сте се изгубиле на некоја уметничка изложба.

Ова метро веќе се смета за најдолга уметничка галерија на светот, долга околу 110 километри.

Околу главниот град на Шведска постојат 100 метро станици, а околу 90 од нив се украсени и претворени во фантастични уметнички дела.

Во овој проект учествувале 150 уметници за на патниците да им овозможат пријатно и необично искуство кое изгледа како патување низ времето.