Девојчето кое што било силувано повеќе пати од неколку лица, останало бремено, а потоа нејзините родители ја приморале да абортира.
Осомничени се 34-годишните Набил Куршид и Иклак Јусаф, британски државјани со мигрантско потекло, кои што со уште еден неименуван маж, го одвеле девојчето во Шервуд шумата. Кога стигнале таму, ѝ се заканиле дека доколку нема секс со нив, ќе ја остават сама напуштена во шумата каде што никој нема да ја најде.
Тројцата мажи потоа ја силувале и ѝ нанеле повреди на вратот. Според зборовите на обвинителката Мишел Колборн, девојката не се согласила да има сексуални односи со нив, а сексуалниот однос бил изнуден под закана.
„Како резултат на групното силување, таа останала бремена“, изјави Колборн која што додаде дека „родителите ја присилиле да абортира, по што претрпела голема психолошка траума“.
Според обвинителката, девојката подолго време била присилувана на сексуални односи под закана. Мажите покрај тоа, викале и свои пријатели кои што исто така имале секс со неа: „Ќе ја земеле поради секс и ја запознавале со други мажи“, открива обвинителката Колборн.
Истрагата утврдила дека станува збор за банда на мигранти од Азија, кои што во Ротерам од крајот на 90-тите и почетокот на 2000-тите, ги искористувале девојчињата. Образецот бил ист, ги намамувале девојчињата со алкохол и дрога, а потоа сексуално ги злоставувале. Мажите на крајот биле обвинети за 28 казнени дела, девет силувања, 14 непристојни напади и затворање и измамување на девојчиња.
