Росонерите бараат засилувања на средината на теренот.
Милан ова лето остана без Монтоливо, Бертолачи, Маури и Бакајоко, а од играчите за врска клубот може да го напуштат уште Кеси и Биља.
На Росонерите се потребни засилувања на средниот ред на теренот и тие се сериозни во врска со оваа работа.
Потписот на Раде Круниќ веќе е обезбеден, ги одработи лекарските прегледи и се чека официјална промоција. Милан има уште неколку мети, а најнова е Даниеле Де Роси.
Поранешниот капитен на Рома одби понуди од Бока Јуниорс и Америка бидејќи сака да остане во Серија А. Рома му забоди нож во грбот и нема да има проблем да заигра за некој друг клуб во Италија иако тоа го избегаваше во текот на целата кариера.
За Де Роси покрај Милан се интересираат уште Фиорентина и Сампдорија, но Росонерите се фаворити.
Клучен човек е спортскиот директор Рики Масара кој неодамна дојде од Рома и еден е од ретките луѓе од раководството на Рома со кои Де Роси имаше добар однос. Тој како Де Роси е избркан од Рома бидејќи не се сложуваше со потезите на управата, а беше еден од најголемите заговорници за продолжување на соработка со искусниот играч за врска. Останаа во добри односи и може да ја продолжат соработката во Милан.
Со двете раце за трансфер тргна и извршиот директор Паоло Малдини кој многу го цени Де Роси како фудбалер и личност. Смета дека таков карактер е потребен во младата соблекувална во Милан. Олеснителна околност е и што Милан има добри односи и со агентот на Де Роси Серџо Берти. Тој го застапува и капитенот на Милан Ромањоли, но и новото засилување Раде Круниќ, па со Де Роси може да добие уште еден клиент во Милан. Фиорентина и Сампдорија исто така ја сакаат иконата на Рома, но Милан засега е фаворит. Се чека „ДА“ од Де Роси.
И тоа не е се што се однесува за во средниот ред. Милан ја загуби битката за Стефано Сенси кој ќе оди во Интер, но доби позитивни сигнали во приказната околу Лукас Переира. Последниот играч за врска на Арсенал е огромна желба на тренерот Џампаоло кој го лансираше во Сампдорија. Во летото премина во Арсенал за 35 милиони евра, не остави лош впечаток, но не му се допаѓа англискиот фудбал. Преку својот агент го извести Арсенал дека не е среќен во клубот и дека сака да оди во Милан.
Топџиите нема да го пуштат за помалку од 35м€ колку што го платија во летото, а за Милан моментално е скапа инвестиција. Се бара модел по кој сите три страни би биле задоволни… Милан нуди двегодишна позајмица вредна меѓу 5-8 милиони еврта со обврска за откуп на договорот од 38 милиони евра. Платата на Тореира од 3.5 милиони евра по сезона нема да биде проблем.
