Седум играчи се надвор од стројот, Бонавентура ја заврши сезоната, Милан мора да купува. Ова се трите можни засилувања кои би можеле да ги приближат кон Лигата на шампионите.
Милан ја заврши работата со Ибрахимовиќ, но мора поради финансискиот фер-плеј да чека одобрување од УЕФА. Ибра до летото би бил меѓу „Росонерите“, а за тоа би добил два милиони евра.
Тоа не е се, откако пристигна шокантната вест дека Бонавентура ја заврши сезоната и дека осум месеци ќе биде надвор од терените, потребни се уште засилувања. Во одбраната тоа најверојатно ќе биде Родриго Кајо бидејќи Јуве не сака да го позајми Бенатија, а уште некои желби се изјаловија, иако се зборува за Кејхил кој е отпишан кај Сари.
За мечот против Лацио на Гатузо му недостасуваат Калдара, Мусакио, Ромањоли, Стриниќ, Биглија, Бонавентура и Игуаин, некои од нив се повредени на подолг период, Калабрија и Чалханоглу се ровити…
Сега, освен Фабрегас, кој би можел да пристигне на лето, Милан ги насочи силите да го позајми Артуро Видал кој е одбиен од својот поранешен клуб Јувентус.
Чилеанецот е незадоволен, ќе го стартува мечот наместо суспендираниот Ракитиќ за Барса против Атлетико, но Каталонците сакаат да се ослободат од него. „Росонерите“ би можеле да го земат, да ја плаќаат неговата висока плата до лето, па потоа да одлучат евентуално да го купат.
Видал е расположен, многу би значел за тимот, а јасно е дека Леонардо и Малдини по секоја цена сакаат пласман во Лигата на шампионите.
Со Ибрахимовиќ, Кејхил или Кајо, како и Видал, таа мисија би била значително полесна.
