Во 35 коло од Сериа А, Милан стигна до тешка и заслужена победа над Фиорентина со 1:0.
Со новиот триумф “росонерите” го задржаа лидерското место на табелата во италианскиот шампионат, со два бода предност против градскиот ривал Интер. Важните три бодови ги донесе португалскиот напаѓач Рафаел Леао со погодок во 82-та минута.
Милан на три кола до крајот на сезоната се наоѓа на лидерската позиција на табелата со 77 бодови, пред Интер кој има 75 бодови. Борбата за скудетото ќе биде возбудлива и неизвесна до самиот финиш.
Димитар Младеновски
