Минеаполис гори: Камења и гумени куршуми во Минеаполис поради смртта на Афроамериканецот

767

Демонстрантите се судриле со полицијата на протестите поради смртта на Џорџ Флојд. Американскиот претседател Доналд Трамп навел дека по негово барање во истрагата се вклучиле ФБИ и Министерството за правда. Во близина на местото на протестот бил убиен човек, пренесува “Independent”.

Полицијата кон демонстрантите испалила солзавец на протестите поради смртта на Афроамериканецот Џорџ Флојд во Минеаполис.

“Reuters” наведува дека протестите проследени со вандализам и грабежи почнале неколку часа откако градоначалникот на градот, Џејкоб Фреј, го повикал обвинителот да поднесе кривична пријава против полицаецот кој при приведувањето со колено го притиснал вратот на Флод, по што тој починал.

Стотина демонстранти, многумина со покриени лица, се собрале на улиците околу третата полициска станица доцна во средата, на неколку метри од местото каде Флојд бил уапсен, извикувајќи: “Нема правда, нема мир” и “Не можам да дишам”.

Како што минувала ноќта, бројот на демонстранти се зголемувал. Тие се собрале пред станицата, а полицијата направила барикади. Полицајците стоеле на крововите, а користеле и гумени куршуми, солзавец и топовски удари.

Демонстрантите кон полицијата фрлале со камења и канистери со бензин. “Reuters” наведува дека на телевизиските снимки може да се види и дека демонстрантите ограбувале продавници.

“Independent” пренесува дека еден човек бил убиен во близина на местото на протестот. Според наводите на тој весник, човекот бил пронајден како лежи на тротоар со прострелна рана и дека починал во болница. Осомничениот за убиството е уапсен.

Портпаролот на полицијата на прес-конференција навел дека полицијата истражува дали убиството го извршил сопственик на продавница, но дека истрагата е на почетокот.

Поради смртта на Џорџ Флојд, американскиот претседател Доналд Трамп изјавил дека на негово барање во истрагата се вклучиле ФБИ и Министерството за правда.

“Барав да се забрза оваа истрага и многу ја ценам работата која ја врши локалната полиција. Моето срце е со семејството и пријателите на Џорџ. Правдата ќе биде задоволена”, напишал Трамп на Твитер.

 

ПОВРЗАНИ НАПИСИПОВЕЌЕ ОД АВТОРОТ